2026 一開年就唔俾你喘氣——Netflix 直接丟出浪漫喜劇新炸彈《愛情怎麼翻譯？》（英：Can This Love Be Translated?），而且定檔 1/16 上線！消息一出，韓劇迷已經開始倒數：金宣虎 × 高允貞 呢個組合，根本係「心動＋爆笑」保證。
韓劇故事設定夠狠：金宣虎飾演精通多國語言的菁英口譯員「周浩鎮」，要同頂級女明星「車茂熙」（高允貞）貼身工作——你諗下，口譯係咩？係要近距離聽、即時反應、全程同步呼吸嗰種。一邊翻譯，一邊心跳加速，誤會同曖昧一齊爆發，完全係愛情喜劇最爽嗰種節奏。
Source: YouTube @ Netflix
幕後班底都係硬貨：洪氏姊妹（《德魯納酒店》《還魂》）操刀劇本＋《紅丹心》導演柳英恩掌鏡，仲遠赴日本、加拿大、意大利取景——呢套唔止係甜，仲要係「靚到當旅行片咁睇」嗰類。
如果你今年睇金宣虎韓劇《苦盡柑來遇見你》已經淪陷，或者高允貞由《Sweet Home》《Moving》一路追到《機智住院醫生生活》，咁你基本上冇得逃：Netflix 呢次擺明係要你新年第一個心動韓劇，直接交畀佢哋。
Source: YouTube @ Netflix
上 ZALORA 香港 找高允貞韓劇同款穿搭！
