有無試過當你正同對方曖昧中或者同另一半正式拍拖已經好幾個星期甚至數月，但依然有啲迷茫自己係咪真係鍾意對方？
戀愛初期的確容易混淆，尤其如果係對方做主動，究竟自己係感動定真係對對方有feel，所以你一定唔可以錯過下文！
1. 不停諗起對方
如果你發現自己無論忙緊定唔開心時都不停諗起對方，咁極有可能你已經慢慢開始鍾意對方。
當你喜歡一個人時，你會不受控制咁諗起佢，諗對方做緊咩、食咗咩、宜家安唔安全甚至咩都想同對方share。
2. 你想同對方一齊甚至為佢做啲野
雖則各自有自己生活係好事，但當你意識到同對方一齊嘅時間變得非常有意義又充實，而你想繼續同對方一齊的話，呢個正正就係你開始對對方有feel嘅徵兆。
當你開始慢慢鍾意對方，大家有共同愛好、話題和價值觀以及享受互相陪伴嘅時光係非常合理。
3. 你無打算改變對方
當人開始拍拖，相處落好容易發現對方有啲位自己唔太鍾意，繼而就想打住愛嘅旗號改變對方。個人成長同與另一半一齊成長和磨合其實一樣重要，如果你發現自己嘗試改變對方嘅本質，咁絕對唔係一件好事。
如果你發現自己可以慢慢接受對方一切嘅好與壞，咁先係你開始鍾意對待嘅徵兆。
4. 你享受對方嘅陪伴
當你鍾意對方，就會發現無論Friday Night定平時收工，一見到對方都會覺得特別輕鬆開心，而且大家非常合。
一旦陷入愛河，就會下意識想同對方多啲一齊嘅時間。
如果你發現自己有咁諗，恭喜你！你離愛情不遠了！
5. 你喺對方身上睇到你地嘅未來
呢個可能比較抽象，但當你可以喺對方身上暢想和規劃未來，甚至毫不猶豫肯定對方就係可以託付及共度餘生嘅人，咁已經相當肯定你鍾意佢。
大家又覺得自己喜歡一個人嘅時候有咩徵兆？留言話我地知啦！
By Cherry Lung
